Lifsmynd er kvikmyndagerðarfyrirtæki sem rekið hefur frá árinu 1990. Að baki Lífsmynd stendur Valdimar Leifsson kvikmyndagerðarmaður.
Hjá Lífsmynd er unnið að allri almennri kvikmyndagerð, en frá upphafi hefur áherslan verið á heimildamyndagerð og þáttagerð fyrir sjónvarp.

Menningarnótt í Cinema No2

Menningarnótt er í Reykjavík 21. ágúst og Lífsmynd tekur þar þátt með því að sýna frítt í Cinema No2 ýmsar af myndum sínum. Dagskráin hefst kl. 14 og stendur til kl. 23.
Dagskrá Menningarnætur á pdf-formi til að skoða og prenta út.

Stuttmynd um gosið á Fimmvörðuhálsi og í Eyjafjallajökli, The Eruption! eftir Valdimar Leifsson er nú sýnd í bíóhúsi Lífsmyndar Cinema No2 í gömlu verbúðunum við höfnina í Reykjavík. Sýnishorn úr myndinni er komið á vefinn og hægt að skoða með því að smella á tengilinn hér að ofan. Auk lifandi mynda Valdimars eru ljósmyndir eftir Ragnar Th. Sigurðsson í myndinni.
Lífsmynd opnaði Cinema No2 í Verbúð nr. 2 við gömlu höfnina seinni hluta júlí og sýnir þar nýju eldgosamyndina ásamt mynd um Þingvelli, Þórsmörk og Dimmuborgir. Í sumar verða sýningar almennt á ensku en allar myndir Lífsmyndar eru að sjálfsögðu á íslensku og hægt er að semja um sérstakar sýningar fyrir hópa, jafnt innlenda sem erlend. Einnig eru myndir Lífsmyndar til sölu á mynddiskum. Fleiri ljósmyndir af gosinu og frá Cinema No2.

Ný 12 þátta sjónvarpsmyndaröð Lífsmyndar, Nýsköpun-íslensk vísindi, hefst í Sjónvarpinu 1. október 2009. Þættirnir verða sýndir alla fimmtudaga fram til jóla.

Nánar

Stefnt er að því að gefa út á DVD-diskum talsvert af þeim myndum og sjónvarpsþáttum sem framleiddir hafa verið. Nýjustu útgáfurnar eru:

Þingvellir - á mörkum austurs og vesturs fjallar um náttúru, sögu og mannlíf við Þingvallavatn. Myndin tók 5 ár í framleiðslu og hún hlaut umhverfisverðlaun umhverfisráðuneytisins árið 2002.

Hver var Jónas? er leikin heimildamynd um líf og störf Jónasar Hallgrímssonar.

Myndirnar eru til sölu á ýmsum stöðum en einnig má kaupa þær hér: Panta mynd

Meira um myndir Lífsmyndar