Velkomin
Lifsmynd er kvikmyndagerðarfyrirtæki sem rekið hefur frá árinu 1990.
Að baki Lífsmynd stendur Valdimar Leifsson
kvikmyndagerðarmaður.
Hjá Lífsmynd er unnið að allri almennri kvikmyndagerð, en frá upphafi hefur áherslan verið á
heimildamyndagerð og þáttagerð fyrir sjónvarp.
NÝSKÖPUN - ÍSLENSK VÍSINDI
11.02.2011
Hafnar eru í Sjónvarpinu sýningar á mánudagskvöldum á nýrri sjónvarpsþáttaröð Nýsköpun-íslensk vísindi, sem Lífsmynd framleiðir.
Þættirnir um nýsköpun, vísindi og fræði á Íslandi eru tólf talsins og þetta er í fjórða sinn sem Sjónvarpið ræðst í gerð slíkra þáttaraðar með Valdimar Leifssyni og Ara Trausta Guðmundssyni. (Tengill í 1. þáttinn á vefsíðu Sjónvarpsins)
Þættirnir hafa verið vinsælir og náðu t.d. 20-25% áhorfi veturinn 2010. Alls er fjallað um 32 ólík verkefni, fræðasvið eða nýjungar og í einum þætti um fjármögnun vísindastarf á Íslandi. Að fjámögnun þáttanna koma 14 stofnanir, fyrirtæki og skólar og tugir vísindamanna koma fram í þáttunum. Miðlun fróðleiks um vísindi og þekkingu er einn af hornsteinum lýðræðis - í þeirri staðhæfingu felst ein af ástæðum þess að ráðist er í gerð þáttanna.
Meðal efnis í þessari þáttaröð eru mörg forvitnileg atriði - sum ókunn almenningi:
- kynning á elstu lífverum Íslands sem lifað hafa ein 20 jökulskeið á ísöldinni og hvergi finnast nema hér
- verkefni meðal íslenskra bænda við vistvæna orkuöflun sem gagnast öllum landsmönnum
- endursköpun bráða- og slysadeildar LSH - ein heild - allt frá bráðamóttöku til þyrlusveitar Lanhelgisgæslunar
- umfjöllun um alvarlega loftmengun í þéttbýli - Reykjavík er stundum mengaðri en London
- áhrif virkjana og stóriðju á mannlífið - hvað hefur gerst fyrir austan?
- félagsvísindi og rekaviður - hver er snertiflöturinn?
- hvar er djúpborunarverkefnið - leitin að ofsahita og gífurlegum þrýstingi - statt?
- hver eru áhrif fjölmiðla á börn samkvæmt rannsóknum í bráðum hálfa öld?
- tekur það fjölmörg eldfjöll landsins 10,15,. 20 ára að búa sig undir eldgos - er Kötlugos að nálgast?
- eldsneyti úr þörungum, íslensk rafbílaþróun og fljúgandi vélfugl
- starfsemi ORF-Líftækni er umdeild - hvað gerist þar - fáir ef nokkrir hafa fengið að vinna sjónvarpsefni þar innan dyra.
- fiskar í svefnrannsóknum manna og lyfjaþróun - íslensk hátækniþjónusta á alþjóðamarkaði
- íslensk bylting í snjóflóðavörnum?
- kuml og miðaldahöfn - svanasöngur fornleifarannsókna i bili?
- ungir Íslendingar eru að drekka úr sér tennurnar - nýjar rannsóknir afhjúpa staðreyndir
- hvernig er fylgst með aukefnum í matvælum - eru sum þeirra hættuleg?
Ný 12 þátta sjónvarpsmyndaröð Lífsmyndar,
Nýsköpun-íslensk vísindi, hefst í Sjónvarpinu 1. október 2009. Þættirnir verða sýndir alla fimmtudaga fram til jóla.